એયરપોર્ટ પર જતા જ આ યુવકનું ચમક્યું નસીબ, રાતો રાત બની ગયો 13 કરોડ રૂપિયાનો માલિક

0
1749

ઘણા બધા લોકો એવું બોલે છે કે, ઉપરવાળો જયારે પણ આપે છે ત્યારે અઢળક આપે છે. ફિલ્મોમાં પણ આ વાક્યને ઉપયોગ થાય છે. અને આ વાક્ય અબુ ધાબીમાં રહેતા એક માણસના જીવન પર એકદમ બંધ બેસે છે. એવું જણાવવામાં આવી રહ્યું છે કે, થોડા સમય પહેલા અબુ ધાબીમાં રહેતો એક બેરોજગાર વ્યક્તિ જયારે અબુ ધાબી છોડીને પોતાના દેશ પાછો આવતો હતો ત્યારે જ એયરપોર્ટ ઉપર તેની સાથે કઈક એવું થયું જેનાથી તેની આખી દુનિયા બદલાઈ ગઈ.

મળેલી જાણકારી અનુસાર એ માણસ પાસે નોકરી પણ ન હતી અને તે રાતો રાત કરોડપતિ બની ગયો. હવે તમે વિચારી રહ્યા હશો કે, તે વ્યક્તિના જીવનમાં અચાનકથી એવું શું થયું? કે તે રાતો રાત કરોડપતિ બની ગયો. તો ચાલો જણાવીએ તમને આ માણસની સાથે બનેલી સત્ય ઘટના વિષે.

કેરળના કુટ્ટનાદના રહેવાસી તોજો મૈથ્યુ બેરોજગાર હોવાના કારણે અબુધાબીમાં નોકરીની શોધમાં જતા રહ્યા હતા. અબુધાબી ગયા પછી તે ત્યાં એક સુપરવાઈઝરની નોકરી મળી અને તે ત્યાં નોકરી કરતા હતા. પરંતુ પછી કામમાં એમનું મન ન લાગવાના કારણે એમણે તે નોકરી છોડી દીધી, અને પાછા ભારત આવવા માટે પોતાના મિત્રો પાસેથી મદદ માંગી.

મૈથ્યુએ પોતાના મિત્રોની મદદ લઈને પાછા સ્વદેશ આવવાની તૈયારી કરી. એ સમયે મૈથ્યુએ એયરપોર્ટ પર એક લોટરી ખરીદી. પણ તેમને આ વાતનો અંદાજો પણ ન હતો કે, તેમણે ખરીદેલી આ લોટરી તેમના ભવિષ્યને સંપૂર્ણ રીતે બદલી દેશે. મૈથ્યુએ એયરપોર્ટ પર ખરીદેલી લોટરીનો નંબર હતો 075171. મૈથ્યુ દ્વારા ખરીદેલી તે લોટરીએ તેનું જીવન સંપૂર્ણ રીતે બદલી નાખ્યું.

મળેલી જાણકારી અનુસાર એવું જણાવવામાં આવી રહ્યું છે કે, મૈથ્યુને તે લોટરીમાં લગભગ 7 મીલીયન દીરહમ એટલે લગભગ 13 કરોડ 10 લાખ રૂપિયા મળ્યા. એટલી મોટી રકમ જીત્યા પછી મૈથ્યુ પાસે આજે એટલા વધુ પૈસા આવી ચુક્યા છે કે, હવે તે પોતાના દરેક સપના પુરા કરી શકે છે, અને તેના પરિવારની આર્થિક સ્થિતિ પણ ઘણી હદ સુધી સુધરી ગઈ છે.

આ બાબતે મૈથ્યુનું કહેવું છે કે, તે હંમેશાથી પોતાનું એક ઘર બનાવવા માંગતા હતા. પણ પોતાની આર્થિક સ્થિતિ ખરાબ હોવાને કારણે તેમનું આ સપનું પૂરું થઈ શકતું ન હતું. જો કે હવે લોટરી જીત્યા પછી એમનું એ સપનું પૂરું થઇ ગયું છે.

તેમની માં એ જણાવ્યું હતું કે, થોડા સમય પહેલા જ તેમના પુત્રએ તેમના પિતાને કહ્યું હતું કે, હવે આવનારા સમયમાં તેમનું પોતાનું ઘર બનાવવાનું સપનું પૂરું થઇ શકે છે. જો તે અબીધાબીમાં ખરીદેલી લોટરી જીતે તો. અને મૈથ્યુની કિસ્મતને જુઓ કે તે આ લોટરી જીતી ગયા.

મૈથ્યુ આજે તે લોકો માટે એક ઉદાહરણ છે, જે પોતાના જીવનમાં આવતી મુશ્કેલીઓથી હાર માનીને પોતાની જિંદગી પૂરી કરી દે છે. પણ શું ખબર ક્યારે કોઈ ચમત્કાર થઇ જાય અને કોઈ માણસની જિંદગી સંપૂર્ણ રીતે બદલાઈ જાય. આ વાત કોઈ પણ વ્યક્તિને ખબર નથી હોતી, તેથી જીવનમાં હંમેશા દરેક વ્યક્તિએ ધીરજ અને મહેનતની સાથે સાથે ઈમાનદારી હંમેશા રાખવી જોઈએ. શું ખબર એવું કરવાથી તમારી જિંદગી થોડી ક્ષણોમાં બદલાઈ જાય.