ભારતનું એક એવું ગામ જ્યાં 1 વર્ષ માટે ભાડા પર મળે છે પત્ની, કોઈ પણ લઈ જઈ શકે છે.

0
2482

આપણો ભારત દેશ આમ તો ધર્મ પ્રધાન દેશ છે. અહી સંસ્કૃતિ અને પરંપરાની ઘણી બોલબાલા છે. અને આપણી સંસ્કૃતિ અનુસાર મહિલાઓને ખુબ જ સમ્માન આપવાની વાત કરવામાં આવે છે. અને મોટાભાગે એવું થાય પણ છે. ભારતમાં જેટલા વધુ ધર્મ છે, જેટલા વધુ સમુદાય છે એટલા ભારત સિવાય આખી દુનિયામાં નથી. ભારતમાં દરેક રાજ્યમાં એક સાથે ઘણી સંસ્કૃતિઓ અને પરંપરાઓ જોવા મળે છે.

ભારતમાં તમને અલગ અલગ જાતની ભાષા, બોલી, જાતી, ધર્મ, સમુદાય દરેક પ્રકારના લોકો મળશે. ભારતમાં સદીઓથી ચાલતી આવી રહેલી પરંપરાઓ અને સંસ્કૃતિનું ઉદાહરણ આખી દુનિયાને આપવામાં આવે છે. અને એટલે જ તો ભારત વિદેશીઓ માટે હંમેશા આકર્ષણનું કેન્દ્ર રહ્યું છે. વિદેશ માંથી લોકો આપણી સંસ્કૃતિ અને પરંપરાઓ વિષે જાણવા અને એને સમજવા માટે આવે છે.

પણ એ જણાવતાં દુઃખ થાય છે કે, જ્યાં એક તરફ દેશમાં મહિલા સશક્તિકરણના મોટા મોટા બણગા ફુકવામાં આવે છે, જ્યાં માણસ મંગળ ઉપર જવાની તૈયારી કરી રહ્યો છે. ત્યાં આધુનિક સમયમાં આ દેશમાં પત્નીઓ ભાડા ઉપર મળે છે, ખરેખર વાત કાંઈ ગળે ઉતરે તેવી નથી, પરંતુ આ એક કડવું સત્ય છે.

જાણકારી માટે જણાવી દઈએ કે, આપણા દેશમાં એક એવું સ્થળ પણ છે, જ્યાં પરંપરાના નામ ઉપર મહિલાઓ સાથે જુલમ થાય છે. આ વાત મધ્યપ્રદેશમાં આવેલા શિવપુરી વિસ્તારની છે. અહિયાં આ એકદમ ખોટી પરંપરા ઘણા વર્ષોથી ચાલી આવી રહેલી છે, અને તેને અટકાવવા વાળું પણ કોઈ નથી.

ત્યાંના સ્થાનિક લોકોના જણાવ્યા અનુસાર આ પ્રાચીન પરંપરાને ‘ધડીચા પ્રથા’ ના નામથી ઓળખવામાં આવે છે. આ પરંપરા હેઠળ અહિયાં દર વર્ષે એક વાર માર્કેટ ભરાય છે. અને એ માર્કેટમાં કાંઈ બીજું નહિ પણ મહિલાઓને વેચવામાં આવે છે. સાંભળીને આશ્ચર્ય થયુંને, પરંતુ આ સત્ય છે.

અહિયાં ભરાતા આ બજારમાં મહિલાઓની બોલી લાગે છે. અને નવાઈ પમાડે એવી વાત તો એ છે કે, એવું કરવા વાળા બીજા કોઈ નહિ પરંતુ તેના જ કુટુંબના લોકો હોય છે. અહિયાં છોકરીઓના સોદા એક વર્ષ માટે કરવામાં આવે છે. અહિયાં દર વર્ષે પુરુષ આવે છે અને પોતાની મનપસંદની છોકરી પસંદ કરીને તેની કિંમત નક્કી કરે છે.

મળેલી જાણકારી અનુસાર આ છોકરીઓ અને મહિલાઓની કિંમત ૧૨,૦૦૦ રૂપિયાથી લઈને ૨૫,૦૦૦ રૂપિયા સુધી લગાવવામાં આવે છે. અને ભાડાની રકમ એ વાત ઉપર આધાર રાખે છે, કે યુવાન મહિલાનું કુટુંબ કેટલું ગરીબ છે અને તેને પૈસાની કેટલી જરૂરિયાત છે.

અને એટલું જ નહિ, આ સોદાબાજી દરમિયાન કાયદેસરના ૧૦ રૂપિયાથી લઈને ૧૦૦ રૂપિયાના સ્ટેમ્પ પેપર ઉપર લખાણ કરીને લગ્નની મંજુરી આપવામાં આવે છે. અને સોદાનો સમય પૂરો થયા પછી મહિલાને ખરીદનાર વ્યક્તિને સોંપવામાં આવે છે. અને તેની સાથે એ પણ જણાવી દઈએ કે આ માર્કેટમાં તે છોકરીઓને એક વર્ષ માટે કોઈપણ પુરુષની પત્ની બનવા માટે સોદો કરવામાં આવે છે.

આ માર્કેટમાં ઘણા બધા પુરુષો આવીને આ મજબુર છોકરીઓ માટે બોલી લગાવે છે. છોકરીઓની કિંમત આપીને તેને એક વર્ષ માટે પત્ની બનાવીને પોતાની સાથે લઈ જાય છે. અને જો કોઈ વ્યક્તિ તેનાથી વધુ સમય માટે છોકરીને રાખવા માંગે તો તેને એટલા જ વધુ પૈસા આપવાના હોય છે.