શાસ્ત્રો અનુસાર આ 10 વસ્તુઓનું દાન કરવા પર જ મળે છે પુણ્ય, જાણો વધુ વિગત.

0
768

હિંદુ ધર્મમાં વસ્તુનું દાન કરવું શુભ માનવામાં આવે છે અને એવું કહેવામાં આવે છે કે તહેવાર કે વિશેષ દિવસે વસ્તુનું દાન કરવામાં આવે તો પાપોમાંથી મુક્તિ મળી જાય છે. એટલું જ નહિ જો કોઈ ગ્રહની ખરાબ દશા કુંડળીમાં ચાલી રહી હોય, તો ગ્રહના હિસાબે જ વસ્તુનું દાન કરવાથી ગ્રહ શાંત થઇ જાય છે.

ઘણા લોકો છે જો કે દાન જરૂર કરે છે. આમ તો ઘણા ઓછા લોકોને જ દાન કેવી રીતે કરાય છે, તેની જાણકારી હોય છે, જો આપણે સાચી વિધિ સાથે વસ્તુનું દાન કરીએ છીએ, ત્યારે આપણેને પુણ્યની પ્રાપ્તિ થઇ શકે છે અને ગ્રહોના પ્રકોપથી બચી શકાય છે.

દાન કરવા સાથે જોડાયેલી મહત્વની જાણકારી

શાસ્ત્રોમાં દાન કરવાને લઈને કહેવામાં આવ્યું છે કે દરેક માણસે પોતાની કમાણીમાંથી ૧૦ ટકા જરૂર દાન કરવું જોઈએ.

ગરીબ વ્યક્તિ કે પંડિતોને દાન કરવાથી દાન કરવાનું પુણ્ય મળે છે. એટલા માટે તમે આ બંને ઉપરાંત કોઈ બીજી વ્યક્તિને વસ્તુનું દાન ન કરો.

દાન કરવાનો ઉત્તમ સમય સવારનો હોય છે. એટલા માટે તમે હંમેશા સવારના સમયે જ દાન કરતા રહો.

ક્યારે પણ કોઈ બીજાની વસ્તુનું દાન તમે ન કરો અને ન તો કોઈ પાસેથી ઉધાર લઈને વસ્તુ દાન કરો. એમ કરવાથી દાનનું પુણ્ય તમને નથી મળી શકતું.

હંમેશા શાંત અને પ્રફુલ્લિત મન સાથે જ વસ્તુનું દાન કરો અને દાન કરતી વખતે ગુસ્સો ન કરો.

દાન કરવાની પદ્ધતિ :-

દાન કરવાની વિધિ મુજબ તમે જે દિવસે દાન કરવાના છો, તે દિવસે સવારે ઉઠીને સૌથી પહેલા સ્નાન કરો અને સૂર્યદેવને અર્ધ્ય આપો. ત્યાર પછી દાન આપવાની વસ્તુને મંદિરમાં મુકો અને ભગવાનની પૂજા કરો.

પૂજા કર્યા પછી તમે વસ્તુનું દાન કરો. જયારે પણ તમે કોઈ વસ્તુનું દાન કરો તો તે વસ્તુ સાથે પૈસા જરૂર આપો.

દાન આપતા પહેલા તમે પંડિત પાસે દાન આપવાનો શુભ સમય પણ જાણી લો અને શુભ સમય ઉપર જ વસ્તુનું દાન કરો.

મકરસંક્રાંતિ, એકાદશી, અમાસ અને પુનમના દિવસે તમે વસ્તુનું દાન જરૂર કરતા રહો.

કઈ વસ્તુનું કરવું જોઈએ દાન

આપણા શાસ્ત્રોમાં એ વાતનો ઉલ્લેખ પણ કરવામાં આવ્યો છે કે વ્યક્તિઓએ કઈ વસ્તુનું દાન કરવાથી પુણ્ય પ્રાપ્ત થાય છે. આપણા શાસ્ત્રોમાં ૧૦ એવી વસ્તુ બતાવવામાં આવી છે. જેનું દાન કરવું ઉત્તમ માનવામાં આવે છે અને આ ૧૦ વસ્તુના નામ આ મુજબ છે- ગાય, જમીન, સોનું, ચાંદી, ઘી કપડા, અનાજ, ગોળ અને મીઠું.

ઉપર જણાવવામાં આવેલી વસ્તુ ઉપરાંત સૂર્ય ગ્રહની ખરાબ દિશા હોય તો તમે પીળા રંગની વસ્તુ દાન કરો, મંગળવાર ગ્રહની દશા ખરાબ હોવાથી મીઠી વસ્તુનું દાન કરો, ગુરુ ગ્રહ જો ખરાબ દશામાં છે, તો તમે કેળાનું દાન કરો, શુક્ર ગ્રહ ભારી હોય તો તમે મુળીનું દાન કરો અને શની ગ્રહના પ્રકોપથી બચવા માટે કાળી વસ્તુ, તલ અને ચપ્પલનું દાન કરો.

આ માહિતી ન્યુઝ ટ્રેન્ડ અને અન્ય નેશનલ ન્યુઝ એજન્સીઓના ન્યુઝ આર્ટિકલ માંથી અનુવાદ કરી લીધેલ છે.