બાળકો, યુવાનો તથા વડીલો દરેકને ભાવતું ખંભાતનું ફેમસ “પાપડ ચવાણું” ધરે બનાવવાની રીત.

0
2876

ખંભાતનું સુખડિયાનું પાપડ ચવાણું ઘણું ફેમસ છે. સુખડિયાંનું પાપડ ચવાણું અને હલવાસન આ બે વસ્તુનું નામ લગભગ દરેક જણે સાંભળ્યું જ હશે. અને ઘણા લોકોએ આને ટેસ્ટ પણ કરેલું હશે. તો આજે આપણે એવુંજ પાપડ ચવાણું આપણા ઘરે કેવી રીતે બનાવવું તે શીખીશું. જેને આના વિષે નથી ખબર એમને જણાવી દઈએ કે, આ પાપડ ચવાણામાં સેવ, મમરા અને પાપડનું કોમ્બિનેશન હોય છે. અને આ કોમ્બિનેશનને કારણે આ ચાવાળું ટેસ્ટમાં ખુબજ સરસ લાગતું હોય છે. તો ચાલો એવું જ પાપડ ચવાણું ઘરે કેવી રીતે બનાવવું એ આપણે જોઈએ.

જરૂરી સામગ્રી :

10 અડદના પાપડ,

1.5 કપ બેસન સેવ,

3-4 મોટી ચમચી તેલ,

5 કપ મમરા,

2 નાની ચમચી લાલ મરચાનું પાઉડર,

1 નાની ચમચી હળદળ.

એનો વઘાર કરવાં માટેની સામગ્રી :

1/2 નાની ચમચી હળદળ

1.5 નાની ચમચી લાલ મરચાનું પાઉડર

2 મોટી ચમચી તેલ

1/2 નાની ચમચી હિંગ

1.5 મોટી ચમચી સાકરનો પાઉડર

1/4 નાની ચમચી લીંબુના ફૂલનો પાઉડર

બનાવવાની રીત :

ચવાણું બનાવવા માટે સૌથી પહેલા એક કઢાઈમાં તેલ ગરમ કરવા મૂકી દો. હવે જ્યારે તેલ ગરમ થાય તો એમાં અડદના પાપડને ફ્રાઈ કરી લેવાના છે. પાપડ ફ્રાઈ કર્યા બાદ જે તેલ વધ્યું છે, તેજ તેલ મમરામાં ઉપયોગમાં લેવાનું છે. તેલ ગરમ હોય ત્યારે ગેસને ધીમો કરીને તેમાં સૌથી પહેલા તો હળદળ એડ કરવાની. તેલમાં હળદર મિક્ષ થઇ જાય પછી એમાં મમરા એડ કરવાના છે. અને ગેસને મીડીયમ કરીને એમાં મમરા મિક્ષ કરી કરવાના છે.

મમરા પર હળદળનું સરસ કોટિંગ થઇ જાય, ત્યારબાદ તેમાં થોડું મીઠું ઉમેરવાનું છે અને મમરાને સારી રીતે હલાવી દેવાના છે. અને મમરા એકદમ સરસ ક્રિસ્પી થાય ત્યાં સુધી તેને સેકવાના છે. વચ્ચે વચ્ચે તેને હલાવતા રહેવાનું છે. લગભગ 3 થી 4 મિનિટ સેક્યા પછી મમરા ક્રિશપિ થઇ જશે, છતાંપણ તેને એક વાર ચેક કરી લેવા કે તે ક્રિશપિ થયા છે કે નહિ. ત્યારબાદ એમાં લાલ મરચું એડ કરીને આને સારી રીતે મિક્ષ કરી દેવાનું છે. મિક્ષ કર્યા બાદ ગેસ બંધ કરી તેને 2 થી 3 મિનિટ તેને હલાવતા રહેવાનું છે.

હવે એક મોટું વાસણ લઇને તેમાં પહેલા પાપડનો ભૂકો કરી લેવાનો છે. સાવ ઝીણો પણ નહિ અને મોટો પણ નહિ એવી રીતે એનો ભુક્કો કરી દેવાનો છે. ત્યારબાદ તેમાં ઝીણી સેવ એડ કરવાની છે, અને તેમાં વધારેલા મમરા એડ કરવાના છે. આને સારી રીતે મિક્ષ કરી લો. હવે આના માટે બે ટેબલ સ્પૂન તેલ ગરમ કરવા મુકવાનું છે. એ ગરમ થાય ત્યાં સુધીમાં જે મમરા, પાપડ અને સેવ વાળું ચવાણાનું મિક્ષર તૈયાર કરીને રાખ્યું છે, તેમાં લાલ મરચું એડ કરવાનું છે.

તેલ જયારે ગરમ થાય ત્યારે ગેસ બંધ કરી દેવાનો છે. પછી તેમાં થોડી હળદળ, હિંગ અને લીંબુના ફૂલનો પાઉડર તૈયાર કરીને રાખ્યો છે તેને એડ કરવાનો છે. હવે આ વઘાર લાલ મરચા વાળા મમરા ઉપર એડ કરવાનો છે અને એ બધાને સારી રીતે મિક્ષ કરી લેવાનું છે. બૂરુંસાકર એડ કરીને ફરી તેને એક વાર મિક્ષ કરી લો. જયારે તે સરસ રીતે મિક્ષ થઇ ગયા બાદ તેને એક સર્વિંગ પ્લૅટમાં લઇ લેવાનું છે. તો પાપડ ચાવાળું સર્વિંગ માટે તૈયાર છે. તમે વાંચ્યું એ પ્રમાણે આને બનાવવું ખુબજ સરળ છે. અને આ લગભગ 5 થી 10 મિનિટમાં રેડી થઇ જાય છે.

આપણે બહારથી જે ચવાણું લઈએ છીએ, એમાં પણ આ રીતે ઉપરથી આ વધાર એડ કરતા હોય છે. જેનાથી તેનો કલર એકદમ લાલ લાગે છે અને તેમાંથી ખુબજ સરસ સુગંધ આવતી હોય છે. એટલે આ રીતે લાસ્ટમાં જ તેલ ગરમ કરી એમાં હિંગ, હળદળ જે પણ આપણે એડ કરવું હોય એ એમજ એડ કરવાનું છે. એનાથી બહાર જેવો જ ચવાણાનો કલર આવે છે.

બજારમાં મમરા પણ બહુ બધી વેરાયટીના મળતા હોય છે, જેવા કે સાફી, કોલ્હાપુરી, બાસમતી વગેરે. તો આ ચાવણા માટે આપણે બાસમતી મમરાનો ઉપયોગ કરવાનો છે. કારણ કે બાસમતી મમરા લાંબા હોય અને ખાવામાં સોફ્ટ હોય છે.

જુઓ વીડિઓ :