એક લિટર ગધેડીના દૂધનો ભાવ 2000 રૂપિયા, અને 1 કિલો પનીરનો ભાવ 68,000 રૂપિયા

0
4644

જયારે પણ કોઈની મજાક ઉડાડવી હોય તો એને ગધેડો કહેવામાં આવે છે. પણ માણસોની મજાકનો ભોગ બનનાર ગઘેડા હવે રૂપિયાનો ઢગલો કરી દેનાર ઉત્તમ પાલતુ પશુ બની જાય તો નવાઈ ના પામતા. કારણકે એક નવા અને તાજા સંશોધન પ્રમાણે ગધેડીનું દૂધ એક ઉત્તમ ઔષધી પુરવાર થયું છે. આને પ્રયોગના અંતે ઓથેન્ટિક વૈજ્ઞાનિકોએ સત્તાવાર રીતે જાહેર કર્યું છે કે ગધેડીનાં દૂધમાં માતાના દૂધ જેટલા ઉત્તમ ગુણો રહેલા છે.

અને આ જાહેરાત સાથે ભારત સહીત દુનિયાના અનેક દેશોમાં ગધેડીનું દૂધ રૂપિયા 2000 ના ભાવે વેચાતું થઇ ગયું છે. આ રીતે ગધેડીના દૂધના ભાવ રાતો રાત વધી જવાનું કારણ એ છે, કે આધુનિક વિજ્ઞાને એ વાતની માન્યતા આપી દીધી છે કે ગધેડીના દૂધમાં ભરપૂર માત્રામાં રોગ પ્રતિકારકના તત્વો છે. જે શરીરમાં કોઈપણ પ્રકારની બીમારી સામે લડવા માટે સક્ષમ છે, નવા જન્મેલા બાળકને આસ્થમાં, ટીબી, ગળાના રોગોથી દૂર રાખે છે.

જાણકારી માટે જણાવી દઈએ કે વિશાખાપટ્ટનમ જિલ્લાના પશુ પાલન વિભાગના જોઈન્ટ ડિરેક્ટર વેંકટેસવર રાવ જણાવે છે કે “મેડીકલ ક્ષેત્રે ગધેડીનું દૂધ માતાના દૂધ જેવું પુરવાર થાય છે. અને માતાનું દૂધ નવજાત શિશુને દરેક પ્રકારના રોગ સામે રક્ષણ આપે છે. એવી જ રીતે ગધેડીનું દૂધ પણ વિવિધ રોગો સામે રામબાણ ઈલાજ સાબિત થાય છે. શું તમને ખબર છે કે ગધેડીની દૂધનો ઉપયોગ ચામડીની કોમળતા અને ચમક જાળવી રાખવા પણ થાય છે.

સાથે જ એવું કહેવાય છે કે મિશ્રની મહારાણી ક્લિયોપેટ્રા ચામડીની ખુબસુરતી જાળવી રાખવા માટે ગધેડીના દૂધથી નાહતી હતી. આ મહારાણી વર્ષો સુધી 16 વર્ષની સુંદરી જેવી દેખાતી હતી, અને એનું કારણ લોકો ગધેડીના દૂધને આપે છે. જુદા જુદા કોષેમેટિક વસ્તુ બનાવવામાં પણ ગધેડીના દૂધનો ઉપયોગ થાય છે.

રસપ્રદ વાત એ છે કે ગધેડીના દૂધનું ઓનલાઈન વેચાણ પણ થઈ રહ્યું છે. જી હા, હમણાં ગધેડીનું દૂધ હવે ઘરે બેઠા ઓનલાઇન એમેઝોન ઉપરથી માગવી શકો છો. ગધેડીના દૂધ માંથી અનેક ડેરી પ્રોડક્ટ પણ બને છે જેમાં મોંઘા માં મોંઘી વસ્તુ પનીર છે. ગધેડીના 25 લીટર દૂધ માંથી 1 કિલો પનીર બને છે. જેની કિંમત છે ફક્ત 68,000 રૂપીયા, આટલી ઉંચી કિંમત હોવા છતાં ગધેડીના દૂધનું પનીર બનાવનારી કંપનીઓને ઢગલા બંધ ઓડૅર મળે છે. આ પનીર મુખ્યત્વે સાયબેરિયાના જેસાવિકા શહેરમાં બને છે. અને દુનિયાના જુદા જુદા દેશોમાં મોકલવામાં આવે છે. યુરોપના ઘણા દેશોના લોકો ગધેડીના દૂધને એક ટોનિક તરીકે ઉપયોગ કરે છે.

એ વાત અલગ છે કે હજુ સુધી ભારતમાં ગધેડીના દૂધની બાબતે વધારે જાગૃતિ આવી નથી, પણ આંધ્રપ્રેદેશના તટીય વિસ્તારોમાં ઘણા વણજારા ગધેડીનું દૂધ વેચીને સારી એવી કમાણી કરતા થઇ ગયા છે. તેલંગાના રાજ્યના આદિલાબાદ શહેરની આસપાસ ચાર પરિવારનું એક વણજારાનું ગ્રુપ 20 જેવી ગધેડી લઈને ફરે છે. અને ગધેડીની દૂધનો વેપાર કરે છે. ગધેડીનું દૂધ મોંઘુ હોવા છતાં આ વણજારાના ગ્રુપ પાસે લેવા પડા પડી કરે છે. એક કપ દૂધ તેઓ 200 રૂપિયામાં વેચે છે. બેંગ્લોર અને ચેન્નઈ જેવા શહેરોમાં પણ ગધેડીના દૂધની ખુબજ માગ છે. અસ્થમા, વા અને સાંધાના દુખાવામાં ગધેડીના દૂધનું સેવન ઝડપી અને ચમત્કારી અસર કરે છે.

તમારી જાણકારી માટે જણાવી દઈએ કે ગધેડીનું દૂધ મોટી મોટી દુકાનોમાં બોટલ તેમજ ટેટ્રા પેકમાં વેચાય છે. ગધેડીના દૂધનો ધંધો નવો છે પણ કરવા જેવો છે. જેના બે મુખ્ય કારણો છે. 1 ગધેડાનો નિભાવ ખર્ચ સાવ ઓછો આવે છે અને 2 દૂધ આપતી ગધેડીને કોઈ વિશેષ પ્રકારનો પશુ આહાર પણ આપવો પડતો નથી. વળી દૂધની માગ પુષ્કણ છે.

માટે દરેક રાજ્યના પશુ પાલન વિભાગમાં આ વિષયની માહિતી સરળતાથી મળી રહે છે. અમારે પોતાને આ ધંધો શરુ કરવો હતો પણ ઘરવાળીએ નાં પડી દીધી જેથી મારા માટે આ વિષેની તમને લોકોને જાણકારી આપવામાં વધારે સારું લાગે છે, તમારે જો આ ધંધો ચાલુ કરવો હોય કે ના હોય પણ આમારા પેજને લાઈક અને આ લેખને સેર કરવાનું ના ભૂલતા. જેથી કરીને ગધેડાનો મહિમા સમજી સકે.

અમારા સૌ વાચક મિત્રોને 26 મી જાન્યુઆરીની હાર્દિક શુભકામના. જય હિંદ.