દ્વારકામાં મધદરિયે વિરાજે છે ભડકેશ્વર મહાદેવ, અહી મહાદેવ સ્વયં પ્રગટ થયા હતા, જાણો એનો ઈતિહાસ

0
3612

દ્વારકામાં મધદરિયે વિરાજે છે ભડકેશ્વર મહાદેવ, અહી મહાદેવ સ્વયં પ્રગટ થયા હતા, જાણો એનો ઈતિહાસ.

આપણા દેશમાં ધાર્મિક સ્થળોની કોઈ કમી નથી. અહી હજારો ધાર્મિક સ્થળો છે, જ્યાં કરોડોની સંખ્યામાં ભક્તો પ્રભુ પાસે પોતાના દુઃખ અને સમસ્યા લઈને આવે છે. એમાંથી એવું જ એક ધામ છે દ્વારકાનગરી. દ્વારિકાનગરી એટલે પ્રભુશ્રી કૃષ્ણનું ધામ. આ દ્વારીકાનગરી આખી દુનિયાના શ્રધ્ધાળુઓ માટે પાવન તથા પવિત્ર તીર્થસ્થાન છે. દ્વારકા જતા લોકો દ્વારિકાધીશના મુખ્ય મંદિરમાં દર્શન કરવા માટે જાય છે. પણ ત્યાં બીજા પણ ઘણા દેવસ્થાનો છે. શું તમે એના વિષે જાણો છો. આજે અમે એવા જ એક મંદિર વિષે જણાવીશું જેના વિષે ઘણા ઓછા લોકો જાણે છે.

જણાવી દઈએ કે દ્વારકાના મુખ્ય મંદિરથી લગભગ એક થી બે કી.મી. ના અંતરે દરિયામાં એક મંદિર આવેલું છે. અને આ મંદિર ભોલેનાથનું છે. આ મંદિર અમ તો નાનું છે, અને તે છે ભડકેશ્વર મહાદેવનું મંદિર. મિત્રો આ મંદિર દરિયામાં એક શિલા પર આવેલું છે. મહાદેવનું આ મંદિર દરેક શ્રધ્ધાળુઓની શ્રધ્ધાનું કેન્દ્રસ્થાન બન્યું છે. જણાવી દઈએ કે આ મંદિરમાં જવા માટે દરિયાઈ માર્ગની મદદ લેવી પડે છે.

આ મંદિર વિષે એવી માન્યતા છે કે અહી મહાદેવ સ્વયં પ્રગટ થયા હતા. આ મંદિર આજ કાલનું નહિ પણ હજારો વર્ષ જુનું છે. અને મહાદેવના આ પવિત્ર મંદિર માંથી સમુદ્રના પશ્ચિમ કિનારે આવેલું દ્વારકાના મુખ્ય મંદિરની બાવન ગજની ધજા ફરકતી જોવી એક અલગ અનુભવ કરાવે છે. આ દ્રશ્યનો લ્હાવો બધાથી અલગ છે. તેમજ એની સાથે જોડાયેલી એક રસપ્રદ વાત પણ જણાવી દઈએ, કે આ મંદિરનો સંબંધ વાઘેર વીર માણેક અને મૂળુ માણેક સાથે છે. અંગ્રેજો તથા તેની શરણમાં રહેલા રજ્વાડાઓની સામે બારવટે ચડેલા જોધા-મૂળુ માણેકની વાત ઓખામંડળ સાથે આખા રાજ્યમાં જાણીતી છે.

ચાલો એના વિષે થોડી બીજી માહિતી પણ જણાવીએ. આ એ સમયની વાત છે જ્યારે વાઘેર બંધુઓએ ભડકેશ્વર મહાદેવના મંદિરમાં લાંબા સમય સુધી આશ્રય લીધો હતો. તેમણે આજ મંદિરમાં મૃત્યુ સુધી હથિયારના મુકવાનો પ્રણ પણ લીધો હતો. આ મહાદેવના આશિર્વાદથી જ અમરેલીની કોર્ટમાં મૂળુ માણેક બોલ્યો કે, ‘મારા એક હાથમાં તલવાર રહેશે અને મારો બીજો હાથ મૂછ પર રહેશે, અને કદાચ જો ત્રીજો હોત તો પણ હું અંગ્રેજોને સલામી આપીશ નહિ.’

શ્રાવણના પવિત્ર મહિના દરમિયાન દૂર-દૂરથી ભક્તો અહી દર્શન કરવાં આવે છે. આ ઉપરાંત શિવરાત્રી પર અહી મોટા મેળાનું આયોજન પણ થાય છે. જો તમે ક્યારેય પણ દ્વારકાના દર્શને જાવ, તો ભડકેશ્વર મહાદેવ મંદિરની મુલાકાત અવશ્ય લેજો.

જો તમને આ લેખ પસંદ આવ્યો હોય તો આને લાઇક અને શેયર કરવાનું ભૂલતા નહિ. તમારો અભિપ્રાય અને તમારી પાસે કોઈ અન્ય જાણવા લાયક માહિતી હોય, તો તમે અમને જણાવી શકો છો. જેથી અમે એ માહિતી અમારા બીજા લેખમાં ઉમેરી લોકો સુધી પહોચાડી શકીએ. ફેસબુક ઉપર હેલ્થ, જાણવા જેવું, અજબ-ગજબ, હાલના બનાવ, બ્યુટી ટીપ્સ, મજેદાર જોક્સ, બોલીવુડ ગપ શપ, દેશ-વિદેશ, રાશિ ભવિષ્ય, ખેતીને લગતી માહિતી, રસોઈ, ટેકનોલોજી વગેરેની માહિતી મેળવવા માટે, ફેસબુક પર અમારા પેજને ફોલો કરી અમારી સાથે જોડાયેલા રહો. અમે આવી જ રસપ્રદ અને ઉપયોગી માહિતી અને તમારા માટે લાવતા રહીશું. આભાર. જય હિન્દ.